Content of the Lesson Plan

 Ang mga tauhan sa kwento:

 

 Haring Alimango

Muhamad Alitaptap

Pong Pagong

Palakang Kokak

Deng Lamok

Paksa: Kwentong Pambata: Haring Alimango

 Bakit Nagtatago ang Alimango sa Lungga?

Noong unang panahon, sa isang tago at matubig na lugar, hari ang isang alimango. Siya si Haring Alimango. . Siya ang hari ng lahat ng maliliit na mga hayop sa kapaligiran/kaharian niya.

Mahigpit na hari si Haring Alimango. Kung ano-anong batas na "malasado" ang naiisip niya para ipatupad. Isa na rito ay ang pagiging tahimik dapat ng lahat pag natutulog siya.

Isang araw, habang natutulog si Haring Alimango, nag ingay ang mga Palakang Kokak. Kokak sila ng kokak at tawanan ng tawanan. Dahil dito, nagising ang hari at ipinatawag ang mga Palakang Kokak na nag-iingay.

Haring Alimango: Bakit kayo nag ingay noong natutulog ako? Alam ba ninyong bawal yun?

Mga Palakang Kokak: Nagtatawanan kami kasi si Pong Pagong dala-dala niya ang bahay niya habang gumagapang.

Haring Alimango: Ganoon ba? Mga kawal! Tawagin si Pong Pagong.

Mga kawal: Opo kamahalan.

At dumating nga si Pong Pagong.

Haring Alimango: Bakit dala-dala mo ang bahay mo. Pinagtatawanan ka tuloy ng mga palakang kokak.

Pong Pagong: Paano po si Muhamad Alitaptap laging may dalang apoy. Natatakot po ako na pag iniwan ko ang bahay ko ay sunugin ni Muhamad Alitaptap.

Haring Alimango: Mga kawal! Tawagin si Muhamad Alitaptap.

At dumating si Muhamad Alitaptap.

Haring Alimango: Bakit may dala-dala kang apoy?

Muhamad Alitaptap: Si Deng Lamok kasi eh. Makulit. Laging maingay at nanunusok. Kaya ako nagdala ng apoy para proteksiyon ko laban kay Deng Lamok.

Haring Alimango: Mga kawal! Tawagin si Deng Lamok.

At dumating si Deng Lamok.

Haring Alimango: Bakit mo tinutusok si Muhamad Alitaptap.

Deng Lamok: (Hindi sumagot. Lumipad at tinusok sa noo si Haring Alimango.)

Haring Alimango: (Sinampal ang kanyang noo at patay si Deng Lamok.)

Nalaman ng mga kamag-anak ni Deng Lamok ang nangyari at pinahuli nila si Haring Alimango.

Natunugan naman ni Haring Alimango ang plano at nagtago siya sa isang lungga.

Kumalat ang balita.

Nagtatago raw si Haring Alimango sa isang lungga.

Kaya lahat ng kamag-anak ni Deng Lamok ay pinaghahanap si Haring Alimango sa mga lungga.
Makalipas ang panahon...

Nakaranas na ba kayong tumutunog/lumilipad ang lamok malapit sa inyong tenga? Ayun! Hanggang ngayon hinahanap pa rin nila ang pumatay sa kamag-anak nilang si Deng Lamok.